Bicol University
College of Business Economics and Management
Daraga Campus
Jessa Mae Belmoro BSBA Management 1-A
Bilang mga mamayan ng ating bansa, napapailalim tayo sa pamumuno ng
ating gobyerno. Ang gobyerno na binubuo ng mga taong ating iniluklok sa pwesto
sapagkat mayroon tayong tiwala sa kanila. Ngunit ang ginagampanan lamang nila
ay ang kanilang sinumpaang tungkulin at hindi na nila sakop ang mga personal na
aspeto ng ating buhay. Tulad na lamang ng kahirapan; oo, marahil ay malaki ang
partisipasyon ng gobyerno kung ang pag-uusapan ay ang pagbibigay ng sapat na
trabaho sa mga mamamayan. Ngunit ang karagdagang pagpupursigi ay nasa ating
mga kamay. Hindi tayo uunlad kung patuloy lamang tayong aasa sa gobyerno.
Nagbibigay sila ng trabaho, tumayo tayo para mag- apply o magtrabaho. Hindi
tayo uusad kung nakaupo lamang tayo sa isang tabi at patuloy na binabatikos ang
gobyerno. Kumilos tayo para sa ating kabuhayan at para sa ating mga sarili. Dahil
ang kaunlaran at tagumpay natin ay hindi nakasalalay sa iba. Tayo ang
magmamaneho ng ating buhay at nasa ating kamay ang direksyon ng ating
patutunguhan.
