Ako po si Dawn Rain Nalene Oliva dalawampu’t isang taong gulang at naninirahan sa
munisipalidad ng Concepcion lungsod ng Tarlac. Hindi man ako mahilig manood ng palabas sa
telebisyon mahilig pa rin naman akong manood ng mga makabuluhang bagay sa youtube gaya
ng paraan kung paano magluto. Kinahihiligan ko ring mag-basa ng mga babasahin sa cellphone
gaya ng mga kwento sa facebook na kinapupulutan ko naman ng aral at ang mga babasahing
panlibangan ko naman ay mga kwento galling sa wattpad, jonaxx at fox novels.
Ang paksang nais kong saliksikin ay patungkol sa kung paano ko mapapabuti ang mga makinang
ginagamit upang mababawasan ang mga butil ng palay at mais na nahuhulog at nasasayang sa
panahon ng anihan. Dahil noong ilang beses sumama ako mag ani ng palay at mais sa
magkaibang panahon napansin ko na mahigit 15 porsyento ng palay ang nahuhulog at
nasasayang dahil hindi na ito ganoon kadali na pulutin hindi gaya ng mais na kahit 10 porsyento
ang nahuhulog rito ay maaari pa itong pulutin.
Nais kong ito saliksikin upang sa mga susunod na panahon na aani ang ating mga magsasaka ay
konti na lamang ang mga mahuhulog na pananim lalo na ang palay na hindi madaling pulutin at
mais upang di na mahirapan ang mga magsasaka na mag pulot dahil mula pagtatanim hanggang
anihan ay tinatrabaho na nila ang mga ito, ito rin ay makakabawas sa gastusin dahil hindi na nila
kailangan mag bayad ng mga tao magpupulot ng mga mais. At higit sa lahat makakatulong din
ito sa ating magsasaka upang magkaroon ng mas maraming ani na ibig sabihin ay nakakatiyak
silang Malaki ang kanilang kikitain.